کاروار:17؍مارچ (ایس اؤ نیوز)رواں اترکنڑا ضلع پنچایت کی میعاد ختم ہونے کو ہے۔ اگر انتخابات کا اعلان ہوجاتاہے تو17مارچ کو منعقد ہوئی ضلع پنچایت کی عام میٹنگ اس میعاد کی آخری میٹنگ ہوگی۔
ضلع میں 13فروری 2016کو ضلع پنچایت اور تعلقہ پنچایت کے لئے انتخابات ہوئے تھے۔ 24فروری کو نتائج کا اعلان ہواتھا۔ قریب 7لاکھ رائے دہندگا ن نے اپنے حق کا استعمال کیاتھا۔ مقامی انتظامی اداروں کی پہلی میٹنگ کے انعقاد سےپانچ سالہ میعاد کی شروعات ہوتی ہے۔ اس کے تحت ضلع پنچایت کی میعاد 24اپریل کو ختم ہوگی۔
ابھی تک ضلع پنچایت میں 39ممبران ہواکرتے تھے۔ لیکن اس مرتبہ یلاپور تعلقہ میں مزید ایک نشست کا جنم ہونے سے کل ممبران کی تعداد 40ہوجائے گی۔ ہوناور تعلقہ کی منکی پٹن پنچایت کا اعلان ہونے کی وجہ سے وہاں کی دیہات کو ضلع پنچایت حلقہ سے باہر کرنا ہے۔ یہی سبب بھی ہےکہ اس مرتبہ ضلع پنچایت حلقوں کی دوبارہ تشکیل کرنے کے بعد انتخابات کا اعلان ہوگا۔
گزشتہ مرتبہ کانگریس اکثریت کے ساتھ اقتدار پر قابض ہوئی تھی اور بھٹکل سےتعلق رکھنےو الی جئے شری موگیر پانچ برسوں کے لئے صدر کاعہدے پر فائز تھیں۔ لیکن اس مرتبہ ضلع میں سیاسی صورت حال کچھ اور ہی ہے۔ مرکز اور ریاست میں بی جے پی کی حکومتیں ہیں۔ پچھلی بار کانگریس کے رکن اسمبلی شیورام ہیبار بی جے پی میں شامل ہوکر اب ضلع نگراں کار وزیر ہیں۔ گرام پنچایت انتخابات میں بھی دونوں پارٹیوں مقابلہ برابر کا رہاہے۔ ظاہری طورپر ضلع پنچایت الیکشن میں ٹکٹ حاصل کرنے کے لئے حالیہ ممبران اور نئے امیدوارتیاری میں مصروف نظر آر ہے ہیں۔
اگر ضلع پنچایت کے لئےاگلے ایک مہینےمیں انتخابات کا اعلان نہیں ہوتاہے تو اور ایک عام میٹنگ کے انعقاد کا موقع مل سکتاہے۔ دو مہینےپہلے سہ ماہی ترقی جائزہ میٹنگ کا انعقاد ہواتھا میعاد ختم ہونے سےپہلے اور ایک میٹنگ ممکن نظر نہیں آرہی ہے۔ اگر فوری طورپر انتخٰابات کا اعلان ہوتاہے تو انتخابات کے انعقاد، ووٹوں کی گنتی ہوکر پوری طرح ضلع پنچایت کی تشکیل ہونے تک حکومت ضلع پنچایت کے لئے سرکاری افسرکو نگراں کار کے طورپر نامزد کرسکتی ہے۔
پچھلی دو میعادوں میں ضلع پنچایت میں پارٹی ممبران کی تعداد کچھ اس طرح تھی۔
پارٹی 2010 2016
کانگریس 22 23
بی جے پی 9 11
جے ڈی ایس 01 02
آزاد 04 03
کل 36 39